Eltje Doddema
Posts tagged “herinneringen”
Eltje Doddema
riedend
in de mist
verdwient alles
stoadegaan uut t zicht
woazeg
worstelt wìnst
in t blikveld
dij aal weer verdicht
òf en tou
binnen der heldere
mementen
mit vloagen
van smaartende
sentimenten
eltje ©
t is t schittern
van de zun deur de
goldroodrosteg kleurende
zuzooiende bloadern
dij mien gedachten bepoalen
t binnen
voage herinnerns
vol vergeten details dij
de zummermoanden weer
noar boven hoalen
eltje ©
