Posts tagged “hekken

Strategisch blundern

NAM
as
ongelaaide projektielen
wild en woest en
ongekontroleerd over
gasvelden dolen en
t aksievoeren verwordt tot
t lichten van putdeksels
en t verhinneweren van hekken

din
wordt weldroa alle steun
en elk begrip
de grond in boord
en wordt t beoogde doul
nait beriekt mit as gevolg
dat uutìndelk alle grunnegers
aan t körtste ìnde trekken

eltje ©

Aso-dörp

Aso-dörp
gries graauw
vol graffiti
stoan hekken
rond kontainers
woar lös van god
en gebod
fersoun gain doul is

in kulturen
woar “reken holden mit”
synoniem is
aan overlast
is der mit tolerantsie
jegens aandere gedroagens
fundementeel veul mis

doaglieks
worden weerden
mit vouten treden
en is gedrag abnormoal

lös
binnen de remmen
en klinkt de ghettoblaster
aldernoarst asosioal

eltje ©

%d bloggers liken dit: