Posts tagged “haart

Welwezenloos

Welwezenloos
dichte deuren
van lege tehuzen
worden symbolen
van zörgzwoartepakketten
dij t recht op n stee blokkeren

levenloos stoan
straks aal meer panden
woarin ooit vol
touwaaiden zörg was
tot baauwvalen te kreperen

t haart is vot
sneden uut t respekt veur
hulpbehuivendhaid en olderdom

geld bepoalt
mit femilie of buren of je
partisipoatsie wel vuilen as riekdom

eltje ©

Kreativiteit

Eksprezzie
net as
verweven wolkenluchten
verwordt n zanger
tot n poëet

sprekt zien haart
deur pennevruchten
mit symfonieën
van n estheet

mit n palet
vol waarme kleuren
worden gevuilens
tot klanken smeed

harmonieën
ontsloeten emootsies
om te zingen
van laif en leed

eltje ©

%d bloggers liken dit: