op de raand
van t ledikant
zit handenwrievend
de dood te wachten
op de leste zucht
van de patiënt
d’haandlanger
ontholdt wraid
de medesienen
dij zien boas
nait opnemt
in t assortiment
t is kwoalek
as de maarkt
heur macht
over de ruggen
van patiënten
uutvecht om t gewin
t is funest
as t haard
tegen haard gaait
de bielen slepen worden
en de verzekeroar ainziedeg
veur beul speulen kin
eltje ©
as
winst lonkt en
lu n gat zain
in perfiet en gewin
uut stainloagen
mor
t grondwoater zakt
t ies kroakt en
de bodem votvaalt
onder t bestoan
din
mout je “gas terugnemen”
nait de grond in boren
eltje ©
d’eerde waarmt op
ieskappen smelten
duurzoam gruin geft tegengas
lobby’s binnen machteg
belangen slim groot
industrie het n aigen kas
duurzoame dollars
stromen fossiel
aal veur t ekonomisch gewin
dubieuze transaksies
gruiende vermogens
lössloagen van gemainschopszin
strategische schoakels
ontnemen illuzies
konsumenten binnen machteloos
energie vluit vot
koarten binnen schud
schoades schraiwen grìnzenloos
eltje ©
KOPSCHRABERIJEN 