Posts tagged “gegevens

Pokkelplakkers

Medewerkers van een Mechels technologiebedrijf hebben binnenkort geen badge meer nodig om hun deuren te openen. Voortaan gebruiken ze een chip die in hun hand is ingebracht. De zaakvoerder van New Fusion introduceert de chip die voor honden en katten gebruikt wordt, nu ook bij zijn werknemers.

Pokkelplakkers

Foto: MC10

boegzoame en
flinterdunne plaaisters
meten onderhoeds nauwkeureg
elke scheet
dij dwaars zit

onder t mom van
n goie gezondhaid nemen lu
kennis van biometrische gegevens
en doun doar
heur veurdail mit

mor elke plak het
twij kaanten en misbruuk
is nait ondenkboar

want noast goud
is ook slecht n meroakels
goie handelswoar

eltje ©

Lek as n teems

 

DigiD

as overheden
verplichten tot
digitoale kontakten
liggen hackers op
de loer

en as wachtwoorden
zwak binnen en de
poorten stoan wied open
is inbreken nait
zo stoer

elk is verantwoordelk
veur zien aigen verbindens
mit servers en de cloud

mor om op te draaien
veur blunders van overheden
is n kwoaleke systeemfout

eltje ©

ING en kozotten

ING
d’òfhankelke reloatsies
tussen banken en klanten
moakt d’eersten
verre van goudgeefs

de big data
van de konsumenten
is t nije gold
in heur digitoale safes

mit branchevrumde
aktiviteiten willen ze
op hellende vlakken
klantgegevens vermaarkten

mor t zol veur de klanten
veul beter wezen
as ze zich tot d’aigen
primaire toaken bepaarkten

eltje ©

Òfwegens

Òfwegens
de man kikt
deurdringend in d’ogen
van de vraauw tegenover
dij ain en aal zenen
poestend en stìnnend
talloze zoaken verkloart

verkregen gegevens
worden digitoal verwaarkt
en n laptop brengt
noa n leste drok
op enter d’uutslag
definitief in koart

onder t mom van
bedainen op moat
en persoonleke aandacht
wordt de levensloop
blootlegd en ligt de noadrok
op t beheersen van kosten

verlainde mantelzörg
deur buren of femilie
wordt uutruild
tegen n traplift
of steunkouzen
en aandere posten

t recht is verdrongen
deur intakegevallen
en de puutholder is ain
mit de beoordailoar

de terugtredende overhaid
komt ain nait tegemuide
en t welwezen weegt din
wellicht minder zwoar

eltje ©

%d bloggers liken dit: