Posts tagged “gedichten

Verdrokken

A demonstrator holds a cross and a Koran during a protest against ousted President Mursi at Tahrir Square in Cairo

Foto Reuters

duustere machten
vertrappen loaghaarteg
respekt en weerdes
mit pepperspray

troangas vertroebelt
elks ideoalen
n smorende locht
n verstikkende deken

zwoare tanks
verzwelgen gewaitenloos
de wìns te leven
in vrijhaid en vree

bulldozers pletten
mit wraid geweld
binnen jong en old
kind van de reken

eltje ©

Belangen

IMG_1641d’eerde waarmt op
ieskappen smelten
duurzoam gruin geft tegengas

lobby’s binnen machteg
belangen slim groot
industrie het n aigen kas

duurzoame dollars
stromen fossiel
aal veur t ekonomisch gewin

dubieuze transaksies
gruiende vermogens
lössloagen van gemainschopszin

strategische schoakels
ontnemen illuzies
konsumenten binnen machteloos

energie vluit vot
koarten binnen schud
schoades schraiwen grìnzenloos

eltje ©

Ongegeneerd

Delete - 1

op sosioale media
stromen en broezen
privacy en data
in millisekonden
de wereld rond

n onbedekte
emo-störtploats
vol hebben en holdens
mit smaartende emootsies
uut n open wond

zail en zoaleghaid
vol verdrait en wellust
liggen bloot
op t stee “to meet”
wachtend op “to delete”

eltje ©

%d bloggers liken dit: