aigentiedse roofridders
trekken n spoor
van vernailen deur de wereld
van vandoag
vermomd as topmanagers
plundern ze soamenlevens
en manifesteren zich as
n röddeploag
t is t zaike systeem
dij ze ongegeneerd
en schoamteloos
vertegenwoardegen
maarktkonform
is heur toverwoord
om t graaigedrag
te rechtvoardegen
mor wat te denken
van d’histerische supporter
dij fanatiek op n tribune zit
van zien klub woar
mit dubieuze cheques
de geldduvel op bulten schit
eltje ©
