Posts tagged “evenwicht

Wankel evenwicht

Gaswinning
as
groaperghaid
de mìns verblindt
worden lu snel
minder ainsgezind

binnen oordailen
voak persoonlek kleurd
en is t mit soamen
verdroagen gebeurd

as
n geldwolf doolt
over klaai en zaand
kriegen frustroatsies
hail gaauw d’overhaand

strieden dörpen
fanetiek tegen aand’re lokoalen
willen aalbegeren
de prooi binnenhoalen

redelkhaid is
veurgoud verdwenen

t proses zit m
bliekboar in de genen …..

eltje ©

Aldel – 2

Aldel
in tieden van
verloren vanzulfsprekendheden
stoan grunnegers aal vaster
op de bainen om ten tiede
van schokkende berichten
t wankel evenwicht te herstellen

wakker schud
en noarsteg zuikend noar woorden
om vergreldhaid over krimp en
waarklooshaid in beelden in
te roamen stridt men vastberoaden
tegen ekonomische modellen

de weg noar
aargenswoar ligt bezaaid
mit passie en betrokkenhaid
ondanks de schare in t leven

want toukomst mag nait
te lieden hebben van
n ontbrekende leefboarhaidskoabel
en rigide europese regelgeven

eltje ©

Veurlaand

Veurlaand
noa tieden
van n wankel evenwicht
op n dun koord
van de levensbalans

veraandern
gloeperg doun en loaten
in landerge elementen
zunder glans

talent
zunder passie rakt frustreerd
verdreugt en verdampt
d’inspiroatsiebron

n zuiktocht
vol twievel en onzekerheden
verlegt grìnzen
noar n nije horizon

eltje ©

Laifde

IMG_1443grìnzen kin k overschrieden
tot wied overzee
elke passoage is n nij’entree

veul overweeg k
deur n gekleurde bril
dat geft elk moal nuanseverschil

d’eerste stap is t swoarst
t is n stain op de moag
toch worden mörgen en guster vandoag

volledeg is t evenwicht
mien tegenbalans bist doe
veur die zing k doarom “Song Sung Blue”

eltje ©

%d bloggers liken dit: