Posts tagged “ecb

Kwantitatieve verroemen

QE

politisi foalen
al joaren
en trappen toerloos
d’open deuren in van t
konsumentengedrag

mor deur rigoureuze
bezunegens
binnen burgers buuls
en betoalen dij
n haard gelag

toukomstzekerhaid en
vertraauwen
binnen veurwoarden
veur n gezonde
ekonomie

mor gewaitenloze
spekulanten
liggen op de loer
mit heur allesverslindende
graaistrategie

spoarders en
gepensioneerden bieten
aal daiper in t stof

rieken worden
rieker en de rest pokkelt
verder op de pof

eltje ©

Grexit

Grexit

mit argusogen
wordt uutkeken noar
t mement dat de deus
van pandora open gaait
en griekenland wel of nait
d’eurozone verlet

as de gaist
uut de vles is
brekt ter n titoanenstried lös
en wordt ter in duustere
finansiële labyrinten
grof pokerd en wed

mor as je
goden verzuiken
zal chaos
de mìnshaid trevven

omreden
t kwoad vindt
d’achilleshiel eerder
as dat we besevven

eltje ©

%d bloggers liken dit: