Posts tagged “duusternis

Leegte

Leegte

tiedens de raais
vol toukomstdreumen
brekt de hel
haardvochteg in

ale plannen
veur nou en loater
hebben in t duvelsbos
gain zin

tussen geleuf
en nait geleuven
stridt vaals licht
mit duusternis

tussen begun
en ìndloos droagen
smaart de last
van groot gemis

eltje ©

Burn out

IMG_1821

leven
van weekend noar weekend
in n neerwoartse spiroal
woarin vrijhaid n illuzie is

toukomst
verworden tot n slietoageproses
wordt zuver strak programmeerd
in n wereld vol duusternis

welwezen
ondergeschikt aan meten
wordt boegend en brekend
òfbrand tot op de bonken

systemen
woar kontroleren wegen is
holden liggoamen in iezern grepen
van obsezzies vol spelonken

eltje ©

%d bloggers liken dit: