Tagarchief: dialoogtafel

Der op of der onder

Der op of der onder

ondergronds voeren
krachtenvelden
de spanning op ten koste
van vaaileghaid

bovengronds is de
druk groot
vanwege toukomstege
bestoanszekerhaid

veul kwoad bloud
is zet deur joarenlange
politieke draaikonterij

mor as doardeur
bloud aan handen kleeft
wordt t n moordpartij

eltje ©

Dialoogtoavel

image

om besloetvörmens
te traineren is
in gesprek wezen
de taktiek

wollege woorden
in holle zinnen
verhullen filaain de
problematiek

t is retoriek
mit benoam begrippen
uut de klazze
diplomatiek

veur burgers gelden
hail aandere woorden
zo as doodsangst en
groot paniek

eltje ©