Posts tagged “demonstranten

Hong Kong

Foto : Vincent Yu/Associated Press

Foto : Vincent Yu/Associated Press

op n vredeg plaain
woar de massa gruit
loaten jong en old
onvree maarken

soamen dailen ze
heur ideoalen
onder paraplu’s dij
binden en staarken

mor

machthebbers
willen t laifst dat
toukomst van klaain en groot

ain is van
onderdrukken van de
waig tot de dood

eltje ©

Kiev

Kiev
t sweerd van Damokles hangt
boven t vuur en de waalm
van n swaarde nacht woarin
demonstranten en plietsie
heur machtsstried uutvechten

t is n konflikt woarin
foto’s in scène zet worden mor
woar beelden toch weergoaves binnen
van n vraide waarkelkhaid van
mit vouten vertrapte rechten

spreekkoren gaalmen en
braandbommen van
vermomde bivakmutsen vlaigen
over brandende barrikoaden
as protesten tegen eksessief geweld

t is n stried dij wieder gaait as
de macht over n plaain
en woar t vergoten bloud
van aigen weerden en belangen
gutst en gain gouds veurspelt

eltje ©

%d bloggers liken dit: