Posts tagged “commercie

Olympische gedachte

Olympische gedachte

in de wind wappert de
vlage van respekt dij
citius altius fortius tilt
noar verbondenhaid van talenten

mor d’olympische gedachte
transformeert aal meer noar
moneymania en
infekteert alle kontinenten

sneller hoger staarker
is t streven van n stried
dij verdwient achter
dekoders van betoal-tv’s

sport verbruiert mor
is aal meer te koop
net as de levensstiel van bobo’s
betoald deur d’abonnees

eltje ©

(doem)Beelden

Doembeelden

 

de politiek is
drok dounde om
de fundementen van
t mediapaark te kroaken

aandere partijen dan
peblieke omroupen mouten
kaanzen kriegen om
programmoa’s te moaken

de schaaidslienen tussen
persvrijhaid en de greep
van politiek en kommerzie
wordt hail slim fragiel

zo wordt de tv as
instrument om lu mit
gekleurde realiteit te bestoken
n ideoal projektiel

eltje ©

Sport keuren

Sport keuren
sport
wordt doaneg deur
kommersie beïnvloud
en t gaait nait bloots
om punten en tieden

kaptoal
manipuleert
de konsument dij aksepteert
dat bobo’s
schaive scheuvels rieden

t volk houst
gigantische bedroagen op
en dut dit zunder rankune

elke week weer
zit de massa massoal
drogeerd op de tribune

eltje ©

%d bloggers liken dit: