aal meer
van t leven
wordt stiekem registreerd
en as bruukboare data uutlezen

aal dichter
op t vel
leggen sensoren vast
wat privacy hait te wezen

t oog
achter Google Glass
is meedogenloos schaarp
mit kèl grèlle kleuren

n identiteit
wordt gewaitenloos stolen
in n wereld
vol cyberdeuren

om reden
van vaaileghaid en van gemak
willen we vrijhaid wel bepaarken

gevolgen
binnen groot as we t veur aaid verlaizen
en wie dit vuilen en maarken

eltje ©