Posts tagged “chips

Trillerij

Julia Ryssel uut Dresden het heur kennis over de locht- en ruumtevoarttechnologie verwaarkt in n vibrator. De bestoande apperoaten moaken nogal wat lewaai dus het zai n stiller vertuut moakt. De techniek staait veur niks. Dus t is nait denkbeeldeg dat ter n lekke chip in zit dij de triluren registreert en bieholdt. Wel wait woar de gegevens terechte kommen…..

Mien ol opoe zee vrouger: “Alles wat ik dou, dat is privé en dat gaait van mien aanrecht tot in de plee.” t Ol mìns zol, as ze nog leefde, de schrik van heur leven kriegen as der in t overdekte winkelsentrum zo mor uut de luudsprekers klinken zol: “De vibrator die u twee jaar geleden heeft gekocht is hoogstwaarschijnlijk aan vervanging toe. U vindt de nieuwste modellen bij ons op de afdeling huishoudelijk apperatuur op de tweede etage, pal naast de strijkijzers en de robotstofzuigers. Bij ons krijgt u er gratis 2 doosjes condooms bij.”

Zai zol din stoan te trillen op heur bainen. Mor ik denk zai nait allain……

Sex-robot

Een grote enquête onder Britten biedt een kijkje in de toekomst. Ze zouden liever met een robot uitgaan dan pillen slikken in plaats van eten.

Sex-robot

de drang noar hoogtepunten
dut lu de wereld wel ains
hail aans bekieken

mit 3D-brillen kreëren ze
fantazieën om de top of
the bill te berieken

via hologrammen en
passie-apps worden driften
aanstuurd tot in perfeksies

neonverlichte sex-robots
vol eros-chips bezörgen din
d’orgasmuzzen en d’ereksies

eltje ©

%d bloggers liken dit: