Posts tagged “berichten

Pizzeg

Pizzeg

t is triest dat
elke dag d’eerste
pagina’s van t dagblad
vergrèld- en
verbolgenhaid oproupen
mit berichten over oorlog
en geweld

en dat pas noa
artikeln over mafkezen en
psychisch gesteurden
t eren van adolphe sax
deur manneken pis
t eerste nijs is dat
wat pozitiefs vermeldt

eltje ©

Nijs dichten

Nijs dichten
doaglieks
binnen der berichten
over strenge senzuren
deur kontrolerende machten

doaglieks
lees j’over regerens
dij d’invloud van media
medogenloos ontkrachten

òfwiekende mainens
worden nait
tolereerd

t benuimen van de realiteit
wordt nait
aksepteerd

t verspraaiden van infermoatsie
is deur grìnzen
nait te stoppen

veur ons binnen t
(veurlopeg nog?)
swaarde kraandekoppen

eltje ©

%d bloggers liken dit: