Eltje Doddema
Posts tagged “bedrog”
Eltje Doddema
Eltje Doddema
Eltje Doddema
Talloze Russische atleten kregen doping toegediend en hun positieve testen werden via een ingenieus systeem verdoezeld. Dat is de conclusie van Richard McLaren, die namens het wereld antidopingbureau WADA onderzoek deed.
t is
de wereld
van witwassen en
duustere deals
woarin t fersoun
votzonken is
in de daipste trog
t is
de wereld
van t zain
wat ter nait is
woarin nog net
de stempels ontbreken
van leugen en bedrog
eltje ©
in n twijduustere wereld
woar grìnzen vervoagen
tussen woarhaid en leugen
worden winnoars helden
wordt gespeulde onschuld
meedogenloos vermoord
in n sinistere wereld
woar ìnkeld knikkers tellen
woar schien n masker dragt
wordt sukses verguld
in medailles en roem
onstaarvelk verwoord
in n lugubere wereld
woar bloots rezeltoaten gelden
van glories en saldo’s
rakt de mìns verstikt
is welwezen ondergeschikt
aan winst en belangen
in n genoadeloze wereld
woar bloud stroomt woar t kin
woar n deal besmet mit epo is
kriegen lu de speulen
van doping en bedrog
omdat ze swait verlangen
eltje ©
