Posts tagged “argumenten

Slagvel(d)

Oorlogstrom

as n machthebber
zien oorlogstrom berovvelt
wordt de woanzin van
geweld filaain wegmovveld

propegandamesienen
draaien op volle toeren
om mit gekleurde argumenten
redens aan te voeren

de tegenmacht dij der
tou dut telt din nait

dij van t grìnzenloze kollektief
van vreedzoamhaid

eltje ©

Machteloos

Onmacht

dwang
is n uten van
aigen zwaktes omdat je
nait overtugen kinnen
mit rationele argumenten

onderdrokken
gaait gepoard mit
t goan over lieken
ondanks vreedzoame geschriften
en haailege sakrementen

droagers
van dij bosschoppen
roupen krachten op
om veuruut te goan
in sloavernij

wegen
noar vrijhaid
worden blokkeerd en
dus wordt overleven
n lötterij

eltje ©

Tolerantsie

Tolerantsie
n swaarde pion
blast hoog van de toren
noa t nemen
van n widde kunk

zo’n loze zet
wordt diskutoabel
as de kleur aanzet
tot n negatieve dunk

bewonderd wordt
din nait t spelinzicht
mor speulen der aandere
subjektieve sentimenten

mor wat swaart is
mout je woarachteg
nait blaiken willen
mit gekleurde argumenten

eltje ©

%d bloggers liken dit: