Posts tagged “antwoorden

Drijstried

Divorcevroagtaikens
in t nog jonge leven
dwongen zet vol onbegrip
antwoorden
voak as woarheden geven
ploatsen t leven in n dip

recht en onrecht
stoef noast n kander
moaken keus zo aibels swoar
net as n fietse
op n stander
is t bestoan slim wankelboar

n helse tied
vol duust’re twijdracht
twievels kriegen d’overhaand
t swaalkende begrip
op zuik noar aindracht
zet t gemoud in n glìnne braand

toukomst
vol onwizzegheden
wordt bepoald deur n aandere macht
t dolende leven
vol tegenstriedegheden
stroekelt wieder dag en nacht

eltje ©

Duurzoamhaid

twievels
riezen bie keuzes moaken
onbenul
moakt t kaizen swoar

roet
kin j’as ongewenst verkloaren
kennis
doarveur is onmisboar

kruud
kin duvelsnaaigoaren wezen
antwoorden
binnen soms stoer te duden

rapporten
binnen woazeg duuster leesboar
projekten
voak te duur veur t ruden

– lees verder ->

%d bloggers liken dit: