Posts tagged “4 mei

Twij menuten

Dodenherdenking

twij menuten stilte
veur dou
woarin gedachten
spreken

zwiegende herinnerns
steken
deur de ziel van de tied

twij menuten stilte
veur dou
woarin emoties
zuiken

berusten en kwoadhaid
vervluiken mekoar
in n innerlieke stried

twij menuten stilte
veur nou
woarin slachtoffers
zwiegen

n maarkboar taiken
tegen zinloos
geweld

twij menuten stilte
veur mörgen
om veur vrede
te strieden

n zwiegzoam veurnemen
dij veur elk en ain
geldt

eltje ©

Stil bezinnen

Dodenherdenking

in de schare van
stoatege bomen
staait n stain dij
nooit vergeten is

n stoateg stee
veur n stil herdenken
woar troanen valen
vanwege t gemis

rond t symbool
van n vraid verleden
klinken woorden van
n rede of n gedicht

swaarde letters
trotseren emootsies
in weer en wind en
in t twijduusterlicht

jong en old vuilen
n intens verlangen
te leven in n wereld
zunder oorlogswee

jong en old geven
stil en sereen
vörm aan n wereld
van vrijhaid en vree

eltje ©

%d bloggers liken dit: