RSS

Tussen de regels deur

18 Dec
Eltje Doddema

Eltje Doddema

Wie leven in n tied dat aal meer van ons doun en loaten aal minder privé wordt. t Aantal instansies dat zo stoadegaan alles van ons wait, gruit mit de dag. Onder t mom van “vaaileghaid en gemak” wordt de privacy makkelk verkwanzeld.

Al joarenlaank worden honden verplicht chipt, mor sinds kört worden ook waarknemers van n bedrief in Mecheln injekteerd mit n mikro-chip. Op dizze wieze kinnen ze makkelker tougang kriegen tot t bedrief, makkelker kopiëren en makkelker heur bekertje ozzesteertsoep uut d’automoat hoalen. Dat zo din ook alles registreerd worden kin, nemen ze op de koop tou.

Wie kieken nait meer vrumd op van t faait dat ter in veul winkels en op alle houken en hörns van stroaten en spelonken kamera’s hangen. Op dizze wieze kin Jan Rap en zien moat beter in de goaten holden worden. En dat verhoogt “netuurlek” elks vaaileghaidsgevuil.

Lu kommuniseren op òfstand ook al mit heur thermostoat, koulkaast en kovviezetter. Dat doun ze ten behuive van n betere kwaliteit van leven en wonen. Tenminste, dat willen vertegenwoordegers van allerhaande apperatuur ons leuven loaten. Net as informoatikoa, robotikoa en telemoatikoa wordt domotikoa de gewoonste zoak van de wereld. De dainstverlainen van boeten joen appartement of deurzunwonen wordt ter n stuk makkelker op……..

Mien ol opoe zee vrouger: “Alles wat ik dou, dat is privé en dat gaait van mien aanrecht tot in de plee.” t Ol mìns zol de schrik van heur leven kriegen as der in t overdekte winkelsentrum opains uut de luudsprekers klinken zol: “De dildo die uw man twee jaar geleden bij de Wehkamp heeft besteld is hoogstwaarschijnlijk aan vervanging toe. U vindt de nieuwste modellen bij ons op de afdeling handege apperatuur op de tweede etage, pal naast de strijkijzers en de robotstofzuigers. Bij ons krijgt u er gratis nog 2 doosjes condooms bij.” Nee, in heur tied huil t blikveld van d’haile buurt op bie elk zien of heur veur- en achterdeur.

Op dit mement is de Nederlandse opsporens- en inlichtensdainst drok dounde om tougang te kriegen tot de versleudelde berichtendainsten van WhatsApp en Telegram. t Snuvveln in gekodeerde berichten ligt gevuileg, mor veul lu binnen geern beraaid om heur privacy minder swoar wegen te loaten as onze nationoale vaaileghaid.

Big Brother krigt zo stoadegaan aal mee vörm.

Der binnen landen woar ze der ook al n gezicht bie hebben………

eltje ©

 
4 reacties

Geplaatst door op 18 december 2016 in Columns

 

Tags: , , , ,

4 Reacties op “Tussen de regels deur

  1. Rob Alberts

    18 december 2016 at 08:06

    Van mij mag Grote Broer blind, doof en stom zijn!

    Ik maak mijn eigen keuzen en laat dat weten aan de mensen die dat van mij moeten weten.

    Bezorgde groet,

    Liked by 1 persoon

     
  2. fietszwerver

    18 december 2016 at 08:48

    in de tijd van je ouwe opoe , stonden de achter en voor deuren ook nog gewoon open
    die grote broer weet denk ik al meer over ons , dan wij van ons zelf

    Liked by 1 persoon

     

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit /  Bijwerken )

Google+ photo

Je reageert onder je Google+ account. Log uit /  Bijwerken )

Twitter-afbeelding

Je reageert onder je Twitter account. Log uit /  Bijwerken )

Facebook foto

Je reageert onder je Facebook account. Log uit /  Bijwerken )

Verbinden met %s

This site uses Akismet to reduce spam. Learn how your comment data is processed.

 
%d bloggers liken dit: