Maandelijks archief: juni 2015

Olympische gedachte

Olympische gedachte

in de wind wappert de
vlage van respekt dij
citius altius fortius tilt
noar verbondenhaid van talenten

mor d’olympische gedachte
transformeert aal meer noar
moneymania en
infekteert alle kontinenten

sneller hoger staarker
is t streven van n stried
dij verdwient achter
dekoders van betoal-tv’s

sport verbruiert mor
is aal meer te koop
net as de levensstiel van bobo’s
betoald deur d’abonnees

eltje ©

Bruzzel

Brussel

vermeldens op verpakkens
en restriksies aan n vertuut
d’eskapoades van regelmaffia’s
riezen doaneg de panne uut

onbegriepelke veurschriften
mit aal meer verplichtens
zo’n monster geft t leven
deurgoans gain verlichtens

burgers worden vergrèld
en onmacht gaait steken

as demokroatische grondregels
minacht worden en ontbreken

eltje ©

Grexit

KOPSCHRABERIJEN

Grexit

mit argusogen
wordt uutkeken noar
t mement dat de deus
van pandora open gaait
en griekenland wel of nait
d’eurozone verlet

as de gaist
uut de vles is
brekt ter n titoanenstried lös
en wordt ter in duustere
finansiële labyrinten
grof pokerd en wed

mor as je
goden verzuiken
zal chaos
de mìnshaid trevven

omreden
t kwoad vindt
d’achilleshiel eerder
as dat we besevven

eltje ©

View original post