Archive for maart, 2015

Vlocht #4U9525

4U9525

de mörgen begunt
mit n vlocht
noar nije doagen
woarop verhoalen
tot leven kommen

mor duusternis
scheurt wraid
toukomst aan flarden
woarin noa doodsangsten
stemmen verstommen

onmetelk is t verdrait
en woarheden binnen
nait te bevatten

as waarkelkhaid
onwaarkelk wordt en dreumen
ieskold uut nkander spatten

eltje ©

Bankenmaffia

Bankenmaffia

ongelimiteerd
plokken en roven
as roaven
is deur lösgesloagen lu
tot kultuur verheven

t zulfverriekend
grabbeln en graaien
as daiven
is n aldernoarste minachten
van de soamenleven

immoreel
is heur handeln en
t normbesef is blind en doof

de bankentop
stinkt en kreëert zo
n haile gevoarleke kloof

eltje ©

%d bloggers liken dit: