Maandelijks archief: februari 2015

Belangenstried

Belangenstried

in veul soamenlevens
is men wanhopeg
op zuik noar de grìns
tussen individuele vrijhaid en
kollektieve vaaileghaid

mor

as schaaidslienen
sloten of verlegd worden
rakt ook t haart
aal meer bekneld tussen
leugen en woarhaid

eltje ©

Grui?

Grui

regerens verwurgen
en claimen t geliek
tegenstellens wazen
tussen aarm en riek

rechts sloopt links
en baaidend t midden
doof is elk veur t
smeken en t bidden

parlementen
verlaizen meerderheden
rechten worden roeg
mit vouten treden

aal meer banken
dij bölken van t geld

veuruutgang
wordt op maauwen speld

eltje ©

Der op of der onder

Der op of der onder

ondergronds voeren
krachtenvelden
de spanning op ten koste
van vaaileghaid

bovengronds is de
druk groot
vanwege toukomstege
bestoanszekerhaid

veul kwoad bloud
is zet deur joarenlange
politieke draaikonterij

mor as doardeur
bloud aan handen kleeft
wordt t n moordpartij

eltje ©