Zoveul vertellen

ZO LAANK IK BIE DIE BIN – (MP3 via Soundcloud)

t Is hail wat joaren leden,
dou k veur de alereerste moal dien glimlach zag.
En voag in mien herinnerns zai k die zitten
op d’hörn van dat terras, t was de dag
dat t woare leven veur mie dou eerst begon
en van t besef dat laifde ook veur mie beston.
Das nou toch al hail wat joaren leden,
veur mien gevuil is t as de dag van heden.

Refraain:
Zo laank ik bie die bin, joa, zo laank wil ik die droagen
op mien baaide handen tot t inde van de doagen.
Zo laank as ik ter bin, joa, zo laank wil k die bekoren
en din binnen veur die mien alerleste woorden.

t Kin mie slim begroten
van elke dag dat ik nait zag dast ainzoam wast.
k Was blind veur dij signoalen.
Dat k ze nait ontvong dat was veur die asmis n last.
En de tied ston ook veur ons nooit even stil.
As de joaren tellen moakt dat toch wel n verschil.
t Begun is nou toch hail wat joaren leden.
Veur mien gevuil is t as de dag van heden.

eltje