EN IK DENK

EN IK DENK – via YOUTUBE

EN IK DENK  MP3 via SOUNDCLOUD

wonden willen nait meer hailen
schaarven brengen gain gelok
t gemis is stoer te droagen
gain dag nog dij k plok

k verlang nait meer noar mörgen
dizze nacht is t ìndstation
tied is n haard gegeven
en der is gain horizon

t vervolg het gain vertroagen
mor t vertrek staait naargens beschreven
mist dij om mie tou trekt
het toukomst nou verdreven

alles wat veurbie komt
verdwient woazeg uut t zicht
t blikveld wordt aal klaainer
omdat dij stoadegaan verdicht

REFRAAIN
ik zuik in alle houken
van mien gedachtenkringen
en ik zai weer alle wegen
dij wie soamen aaltied gingen


k heur de stilte spreken
as dij veur aiweg zwigt
en ik denk aan al’herinnerns
as duusternis verlicht

òfschaaid kin j’as d’oorsprong
van herinnerns lezen
mor loat t veur die n tougang
noar n nije toukomst wezen

op t aailand van vergangenhaid
bistoe nooit meer dij k kin
as stilte veur mie zwigt
bistoe overaal woar k bin

REFRAAIN