kiekend noar
d’uutdrokkensloze ogen
en n klassieke kop
valen votdoadelk
de primitieve opvattens
in t artikel op

heur soort lu
het ons niks
in de reken
deur de randstad
wordt minachtend noar
de pervìnzie keken

vanuut veuroordailen
ontstaait voak
veul rumoer
din is oordailen
en veroordailen
nait meer zo stoer

mor t is kwoalek
as je joe verschoelen
achter n woordenbrij
van wel of nait
gemainde uutsproaken
of maaljoagerij

eltje ©