Archive for april, 2014

Dodelk

Oldernzörg
oldern
worden karakterizeerd
as n last en
ze hangen t jonkgoud
as meulenstainen
om de nek

t leven
is allint rendoabel
veur jonge goden
en bonusknuteroars
dij kloagen over
geldgebrek

betoalboarhaid
van zörgkosten
was boazeerd
op solidariteit en
was gain onderwaarp
van haandjeklap

t wachten is
op t mement
dat oldern
nait meer betoalen willen
veur sportblessures
en zwangerschap

eltje ©

Stoat van vervaal

Doodsteek
de doodsteek
ligt op de loer
en wacht op
de goie mementen

de politiek
schept de veurwoarden
en kreëert
zulfmoordarrangementen

bloud kleurt
stroaten en
riolen stromen tot
over de raand tou vol

scènes volgen
mekoar rad op
mit veul slachtovvers
in de hoofdrol

eltje ©

Wereldbeelden

Wereldbeelden
filaain
sturen laaiders
sinistere krachten

skrupuleus
figelaaiern
illustere machten

argumenten
kleuren agenda’s
vol voele leugens

geleuven
en overtugens
traumatizeren geheugens

d’historie
herhoalt zich
wordt ter beweerd

t is hemeltaargend
dat de mìnshaid
zo slecht leert

eltje ©

%d bloggers liken dit: