mit geld
wordt geld verdaind
deur loze lu
dij glad profiteren

mit subsidies
en belastenveurdailens
binnen kaptoalen
filaain te genereren

investeren
in duurzoamhaid
levert spekulanten
n hoog rendement

konstruksies
fiskoal legitiem
worden benut
mit veul raffinement

de massa wordt
vermoalen deur
n resezziemeulen en
tot grode wanhoop dreven

mor veur lu
mit vermogen
is t hail normoal om
van de wind te leven

eltje ©