Maandelijks archief: februari 2014

Zo laank ik bie die bin

Zo laank
zo laank
ik bie die bin
zo laank
wil ik die droagen
​op mien baaide handen
tot t ìnde van de doagen

zo laank
as ik ter bin
zo laank
wil k die bekoren
​en din binnen veur die
mien allerleste woorden

eltje ©

As audio:

Zo laank ik bie die bin

Zeitgeist

Zeitgeist
ook in n wereld
zunder komplottheorieën
is niks zo as veurvallen lieken

n haandvol elites
regisseert t wereldtoneel
om zich ongegeneerd te verrieken

t binnen onzichtboare machten
dij lienen uutzetten om
politieke prosezzen te sturen

verscholen achter bits
en bytes scheppen zai
veur heur winstgevende strukturen

as begerege geldduvels
beïnvlouden ze systemen om
welvoart aan de wereld te onttrekken

politieke instabiliteit en
n funeste finansiële ongeliekhaid
kin heur woarlieks niks verrekken

eltje ©

Jeugdzörg

Jeugdzorg
onder t mom van
bedainen op moat
van ain gezin
mit ain plan
deur ain regisseur

komt de autist
aal of nait schizofreen
of dyslectisch
schoorvoutend binnen
via de gemaintedeur

de professional vreest
dat de behandeln
en de begelaaiden
slim te lieden hebben zal
onder de nije wet

d’ambtenoar kikt
mit ain oog noar
de potentsiële patiënt
en loert mit t aander oog
noar zien slinkende budget

eltje ©