Maandelijks archief: november 2013

Selfies

Selfies
vastlegd
deur t oog
aan de veurkaant
verradt t spaigelbeeld
d’identiteit

n foto
dij meer zegt
as doezend woorden
teunt n imago
vol originaliteit

n dagbouk
vol beeldtoal
wordt kreëerd uut eerns
of veur poelegrap
en oardeghaid

zulfpertretten
mit gebelskoppen
of zunder effekten
worden vastlegd
veur d’aiweghaid

eltje ©

RTL en zo …….

RTL en zo ......
elke oavend weer
wordt n blik opentrokken
mit bn’ers
dij zich van alles
permitteren

grappen en grollen
rollen over t schaarm
woarbie ze zich
ongegeneerd
prezenteren

gedrogeerd
glopt t volk gedwee
en vergapt zich
aan dij bagger

woar fersoun
bie t grofvoel neerzet is
want holland’s got talent
veur griender en lagger

eltje ©