Maandelijks archief: augustus 2013

Schoamteloos

IMG_1752
in n wereld vol wifi
is t volk op drift
gevuilens liggen open
bloot in “the cloud”

verdrongen verdrait
wordt doaglieks daild
vrund en vijand
drinken digitoal bloud

t web zoomt in
via legitieme lenzen
gloepend in de kosmos
tot veurbie d’horizon

haarten vol verhoalen
liggen schoamteloos open
mit n gloazen schaarm
as emootsiebron

eltje ©

Leegte

image

elke dag
n aigen wereld
overaal hìn
naargens noar tou

stille stemmen
maank veul verbeeldens
van eertieds
parallel aan t nou

waarkelkhaid
vol voage beelden
veul graauwe gedachten
op dien menaaier

gain vreeloos moment
onrust kin t wachten
doagen duren aiweg
elk ketaaier

eltje ©

Zigeunersaus

image
woorden worden wogen
op de goldschoal van respekt
beelden bont beschreven
braid plastisch of direkt

woorden deurstoan tied
meroalen devalueren
as tolerantsie en fersoun
stoadegaan verweren

oorzoak en gevolg
worden onderling verdraaid
negatieve strekkens
bewust provoserend zaaid

weegschoal wordt manipuleerd
veur perfiet en aigen gewin
mìnsen kleuren begrippen
mit aigen smoaken in

eltje ©